د بلوڅ بېلتون پالو اړوند رسنيز ادرس «باهوټ» په يوه راپور کې ليکلي، چې بلوڅ آزادي غوښتونکو پوځيانو د پاکستان د بلوچستان په واشک بسيمه سيمه کې د پاکستاني پوځ په يوه کمپ او د چټک غبرګون ځواکونو په مرکز بريد ترسره کړی دی.
سرچينه وايي په دې بريد کې د پاکستان د پوځ د يوه لوړپوړي افسر محمد اصف په ګډون ۹ پوځيان وژل شوي او ۶ نور ټپيان دي.
راپور زياتوي، چې په بريد کې له پوځيانو ترلاسه شوي ۵۰ شاوخوا موټرسايکلونه هم بلوڅ جنګياليو سوځولي دي.
د يادولو ده چې باهوټ او نورو رسنیو د دې بريد په اړه د پاکستان د حکومت غبرګون نه دی راخيستی.