د پاکستان د طالبانو غورځنګ د يوې خبرپاڼې او انځور په نشرولو سره وايي چې نن یې ځواکونو د بنو ولایت، کینټ تاڼې مربوط سروانګې اډا کې د پولیسو پر موټر ماین منفجر کړی چې په ترڅ کې یې د پوليسو د يوه مشر په ګډون شپږ پولیسو ته مرګژوبله اوښتې.
د يادونې وړ ده چې له پرون شپې راهسې پاکستاني طالبانو په بېلابېلو سيمو کې په جلا بريدونو کې لسګونه پاکستاني پوليس وژلي، ټپيان کړي او پوستې یې ترې نيولي.