عربي رسنیو د «بيبيسي انګلیسي» په حواله راپور ورکړی، چې د جګړې له دوام سره-سره حماس غورځنګ لا هم د خپلو ۳۰ زره دولتي کارکوونکو لپاره د نغدي معاش سیستم فعال ساتلی دی.
ویل شوي، یاد غورځنګ د صهیونیستي رژیم د بریدونو له وېرې معاشات په پټه وېشي او پر غزې د صهیونیستي یرغل له پیل راهیسې یې شاوخوا اووه میلیونه ډالر ویشلي دي.
راپور زیاتوي، چې حماس له جګړې وړاندې شاوخوا ۷۰۰ میلیونه ډالر په ځمکنیو تونلونو کې زیرمه کړي وو، چې همدا یې د دوام راز بلل کېږي.