تېره شپه د تورخم پر پوله د پاکستاني ملېشو له خوا د ناڅاپي برید له امله جګړه ونښته، چې لا هم دوام لري. د هندوکش غږ سرچینې وایي، دغه نښته شاوخوا ۱۲:۳۰ بجې پیل شوه او تازه معلومات ښیي چې پاکستاني ملېشو ته تلفات اوښتي، خو کره شمېر یې لا نه دی معلوم.
عیني شاهدان وایي، افغان ځواکونو له لومړۍ شېبې د دښمن پر وړاندې کلکه دفاع وکړه، او د پاکستاني ملېشو تحرکات یې له ځوابي بریدونو سره مخ کړل.
دا لومړی ځل نه دی چې پاکستاني ملېشې د سرحدي اصولو خلاف له تاوتریخوالي کار اخلي، خو افغان سرتیري تل د خاورې او ملي حاکمیت دفاع ته تیار ولاړ دي. جګړه لا هم روانه ده.
نور جزئیات به وروسته خپاره شي.