د ټولګټو وزارت ویاند محمد اشرف حقشناس پر خپلې اېکس پاڼې لیکلي چې، د روان کال قوس میاشتې په اوږدو کې د اوسپنې پټلۍ له لارې ۴۵۲ زره ۱۳۳ مټریک ټنه انتقالات شوي دي.
د ښاغلي حق شناس په خبره، د خواف هرات بندر له لارې ۲۲۰۲ ټنه، تورغونډۍ بندر له لارې ۷۴۷۰۱ ټنه، د آقینې بندر له لارې ۲۵۶۳۰ ټنه، حیرتان بندر له لارې څخه ۳۴۹۵۹۹ ټنه، چې ټولټال ۴۵۲ زره ۱۳۳ ټنه نفتي، غیر نفتي او نور مواد دي هېواد ته وارد او صادر شوي دي.
د ټولګټو وزارت ویاند ټینګار کړی چې د ریل پټلۍ د زیربناوو د ښه والي او ظرفیت لوړولو لپاره یې هڅې دوام لري.