د احصایې او معلوماتو ملي اداره وايي، په تېره غبرگولي میاشت کې هېواد ته ۲۶۰۰ بهرني وگړي راغلي وو، چې د هېواد له بېلابېلو تاریخي او تفرېحي ځایونو څخه یې لیدنې کړې دي.
له یادې ادارې څخه په خپره شوې خبرپاڼه کې ویل شوي، د تېرې یوې میاشتې په اوږدو کې د هوايي ډگرونو او ځمکنيو بندرونو له لارې هېواد ته د ۲ زره او ۵۹۵ بهرنيو وگړو تگ او راتگ ثبت کړی دی.: «ثبت شوي ارقام ښیي چې د روان کال په غبرگولي میاشت کې د ۲۴ ښځینهوو په گډون ۱۴۹۰ بهرني وگړي هېواد ته راغلي او د ۸ ښځینهوو په گډون، ۱۱۰۵ نور له هېواده وتلي دي. »
د خبرپاڼې له مخې، د ثبت شوو شمېرو له مخې ښکاري چې ۱۴۳۸ کسان له ځمکنیو بندرونو او ۵۲ تنه نور د هوا له لارې هېواد ته راغلي دي، چې له دې ډلې یې ۱۸۸ بهرني وگړي د سیاحت په موخه او پاتې نور یې د کار په موخه راغلي دي. : «د دې ادارې د ثبت شوو ارقامو پر بنسټ، ترټولو زیات بهرني وگړي د نیمزور، تورخم، حیرتان بندرونو او د بلخ هوايي ډگر له لارې هېواد ته راغلي او وتلي دي.»
په افغانستان کې د بشپړ امنیت له برکته اوسمهال د نړۍ د بېلابېلو هېوادونو وگړي هېواد ته راځي، چې د هېواد له بېلابېلو ولایتونو د تاریخي او تفرېحي ځایونو څخه لیدنې کوي.