له افغان شخصیتونو سره د تماس کمېسیون مهالنۍ غونډه د رياست الوزراء د سياسي مرستيال مولوي عبدالکبير په مشري ترسره شوه.
غونډه کې ویل شوي په تېره یوه میاشت کې ۱۲ سیاسي څهرې او ځینې نور کسان د دغه کمېسیون له لارې بېرته هېواد ته راستانه شوي دي؛ نوموړی وايي، هغو کسانو ته چې بېرته هېواد ته راستنېږي، هېڅ ستونزه نشته.
د یادونې وړ ده چې واک ته د اسلامي امارت له بیاځل رسېدو وروسته په لوړه کچه پخواني پوځي او سیاسي مشران بیرته هېواد ته راستانه شوي.