شېر کړئ Facebook Twitter بریښنالیک Telegram WhatsApp د بهرنيو چارو وزارت وياند عبدالقهار بلخي پر خپله اېکس پاڼه ليکلي، چې د افغانستان د سرپرست حکومت او جرمني ترمنځ له مفصلو خبرو وروسته ۸۱ تنه هغه افغانان چې د جرمني لخوا رد شوي وو اخراج او افغانستان ته را واستول شول.ښاغلي بلخي زياته کړې، چې د بهرنيو چارو وزارت کونسلي څانګې د يادو افغان کډوالو ټول اصولي پړاوونه طی کړي او هېواد ته د بیرته ستنېدلو اسنادو تر چمتو کېدو وروسته به نن کابل ته را ورسېږي.ياده دې وي، چې جرمني تر دې وړاندې اعلان کړی و، چې ياد شويو ۸۱ افغان کډوال جرمني کې د بېلابېلو جرمونو په تور نیول شوي دي.
