د حزبالله د ماښامني برید په اړه تازه معلومات دا دي چې د حزب الله ډلې جنګیالیو، د ځانمرګې ډرون په توسط د اشغال شوي فلسطین په حیفا ښار کې د ګولان په نوم پوځي کمپ باندې برید ترسره کړی، چې په ترڅ کې يې تر ۷۰ پورې اسرائیلي پوځیانو ته مرګ ژوبله اوښتې ده.
دا بريد داسې مهال شوی، چې اسرائيلي اشغالګر عسکر په ياد پوځي مرکز کې په ډوډۍ خوړلو بوخت وو، چې په چاودېدونکو توکو سمبال ډرون الوتکې لخوا په خوړنځي کې په نښه شول.
له یاد برید وروسته حزب الله، د اسرائیل په شمال کې ملکي وګړو ته خبرداری ورکړی چې له پوځي هډو څخه دې لیرې اوسي.