د صهیونیستي رژیم پر وړاندې د جنګېدونکي اسلامي جهاد سازمان یوه چارواکي الجزیرې ته ویلي چې د دې سازمان مشرتابه د قطر په پلازمېنه دوحه کې د حماس اسلامي غورځنګ له پلاوي سره د اوربند په اړه ناسته کړې.
الجزیرې خبري شبکې په ورته وخت کې د اسلامي جهاد سازمان د یوه بل چارواکي له قوله لیکلي چې، په غزه کې د اوربند او د یرغملو د خوشې کولو په برخه کې اسلامي جهاد سازمان او د حماس اسلامي غورځنګ ترمنځ د نظر اختلاف نشته.