د حماس اسلامي غورځنګ د رهبرۍ شوری غړي باسم نعیم ویلي، چې دوی د منځګړو لهخوا وړاندې شوې د اوربند طرحه منلې او اوس په دې اړه د صهیونیستي رژیم ځواب ته په تمه دي.
نوموړي زیاته کړې:«موږ له ارزونې وروسته، د اوربند وړاندیز ته مثبت ځواب ورکړ. اوس منتظر یو چې اشغالګر رژیم څه ځواب وایي.»
باسم نعیم د نتنیاهو وروستي څرګندونې د جګړې د دوام او نسل وژنې څرګنده بېلګه بللې، او زیاته کړې یې ده، چې نړیواله ټولنه باید د دغه رژیم «یاغيتوب» ته د پای ټکی کېږدي.
نوموړي وړاندې خبرداری ورکړی، چې د بشر له حقونو د صهیونیستي رژیم دوامداره سرغړونې به نه یوازې د سیمې بلکې د ټولې نړۍ ثبات ته ګواښ پېښ کړي.