حماس غورځنګ د يوې اعلاميې په خپرولو سره د اسرائیلي رژيم له لوري وروستيو بريدونو ته په غبرګون کې ویلي، چې د اوربند ماتېدو ټول مسؤلیت به د دې رژيم پر غاړه وي.
حماس همداراز له منځګړو او نړیوالې ټولنې غوښتي، چې د صهیونیستي رژیم سرغړونو درولو لپاره بیړنی اقدام وکړي.
په همدغه مهال، د خلیل الحیه په مشرۍ د حماس یو پلاوی قاهرې ته رسېدلی، څو له مصر سره د اوربند تړون پلي کېدو څرنګوالی وڅېړي.
ياده دې وي، چې اسرائيلي رژيم په وروستيو ورځو کې شاوخوا ۵۰ ځلې اوربند نقض کړی دی.