د یمن حوثيانو ویلي، چې د امریکا، صهیونیستي رژیم او سعودي عربستان په استخباراتو پورې تړلې یوه مهمه جاسوسي شبکه یې نیولې.
د دوی په وینا، دغه شبکه د څو میاشتو څار او تعقیب وروسته نیول شوې او غړي یې په سعودي کې د امریکا، اسرائیل او سعودي افسرانو له لوري روزل شوي دي.
حوثیانو ویلي، یادې ډلې ته پرمختللي جاسوسي وسایل ورکړل شوي وو، چې په یمن کې یې د پوځي تاسیساتو، د توغندیو او ډرون جوړولو مرکزونو، د جګړې قومندانانو او حتی د ملکې تاسیساتو په اړه معلومات راټولول.
حوثیانو د نیول شوې جاسوسي شبکې د غړو د هویت او شمېر په اړه څه نهدي ویلي.
د یادونې ده، چې د یمن حوثیانو څو ورځې وړاندې د ملګرو ملتونو ۴۳ کارکوونکي هم د صهیونیستي رژیم استخباراتو ته د جاسوسۍ په تور نیولي وو.