د خوست د کرنې، اوبولگولو او مالدارۍ وزارت وايي، د خوست په نادرشاه کوټ ولسوالۍ کې د املوکو بڼونه جوړېږي.
له یاد ریاست څخه په خپره شوې خبرپاڼه کې ویل شوي، د «اېن، اې، سې» موسسې په همکارۍ د دې ولایت د نادر شاه کوټ په ولسوالی کې د املوکو بڼونو د ترویج او پراختیا په موخه د املوکو بڼونه جوړولو په پار پر یو شمېر بڼوالو د املوکو نیالگي وېشلي دي.
د خبرپاڼې له مخې، پر دغو بڼوالو پر هر یوه د املوکو ۱۳۴ نیالگي وېشل شوي دي او د دې مرستې موخه د بزگرانو او بڼوالو ملاتړ او په ټوله کې په دې ولایت کې د املکو بڼونو ترویج او د بڼوالۍ سکټور ودې او پراختیا ته زمینه برابرول دي.
له تېرو څو کلونو راهیسې د هېواد په گوټ گوټ کې سره املوک مروج شوي، چې اوس ترې هر کال زرگونه ټنه حاصلات راټولېږي او په دغه برخه کې افغانستان پر ځان بسیاینې ته نږدې شوی دی.
د کرنې چارو کارپوهان وايي، سره املوک په هغو سیمو کې ښه پایله ورکوي چې هوا یې معتدله او ژمی یې ډېر سوړ نه وي.