لیکوال: سید مصطفی سادات
د خیالي جبهو او د شر او فساد د غړو تر منځ اختلافات ولې او پر څه رامنځته شوې؟ اصلي موخې یې څه دي، چې په دې وروستیو کې د شر او فساد مقاومت جبهې غړي د ازادۍ په نوم خیالي جبهې سره یو ځای کېږي؟ ایا د دغه شریرو عناصرو تر منځ کوم خاص توپیر لیدل کېږي چې له یوې جبهې بلې ته ځي؟
د دغه پوښتنو ځوابونه ښکاره دي؛ د دوی تر منځ اصلاً مادیات مطرح دي چې، د ورانکارو او تبلیغاتي فعالیتونو د ترسره کولو په مقابل کې پیسې پر وخت نه ورکول کېږي، د دې په مقابل کې د خیالي جبهو غړي جاسوسي کوي او یو بل ته امنیتي ستونزې پیدا کوي.
تازه د یوې خالي جبهې غړي عیسی محمدي او د شر او فساد ازادۍ جبهې مرستیال عبدالستار حسیني تر منځ محرم رازونه او غږیزې مکالمې افشا شوې دي، د دې رازونو افشا کېدل خورا ډیر ابعاد لري، خو برحال یې په لنډغرو کې خپل منځي اختلافات په لوړه کچه ډېر کړې دي.
د شر او فساد ازادۍ جبهې مرستیال عبدالستار حسیني په دې هڅه کې ده چې، عیسی محمدي خپلې خیالي جبهې ته په پوره توګه ور جلب کړي او د خپلې جاسوسۍ په بدل کې له نوموړي څخه په فرهنګي او مطبوعاتي برخه کې د خپلو رقیبانو پر ضد استفاده وکړي.
د عیسی محمدي په الفاظو چې وايي، “زه خپله یو مذهبي او مطبوعاتي انسان یم او په دې برخه کې کافي تجربه هم لرم، هغه مسایل چې اسلامي شریعت پورې تړلي وي، کولای یې شم چې یوه لار ورته پیدا کړم، خو په امنیتي او نظامي برخو باندې اګاهي نه لرم”. یعنې نوموړی غواړي د بغاوتګرو لپاره د خپل ناقص علم له مخې، د اسلامي شریعت احکام په خپل تعبیر تبلیغ کړي او د بغاوت لپاره دلایل وتراشي.
د شر او فساد لارویان شرعي ارزښتونو ته قایل نه دي، خو دا چې د افغانستان ملت متدین دی او شرعي ارزښتونه یې له سرو کرښو څخه شمېرل کېږي؛ له همدې امله د خیالي جبهو مشران له شریعت څخه هم په خپل تعبیر استفاده کوي او د خپلې ناروا جګړې لپاره په پلورل شویو جاسوسانو دلایل جوړوي.
د محرمو رازونه او مکالمو له را برسېره کېدو داسې معلومېږي، چې خيالي جبهې نور له زوال سره مخ دي او ډېر ژر به تیت او سره و پاشل شي. له دې وړاندې هم د پرځیدلي جمهوریت ډیری کلیدي افرادو له دغه خیالي جبهو څخه لار جلا کړې او حقایق یې درک کړې دي.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.