یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
د ازادۍ په نامه د بېکارۍ جبهه هره ورځ خپل دروغجن ګزارشونه نشروي چې ګویا د دوی شر خوښوونکو د افغان حکومت سرتېري په نښه کوي، بیا وایي درنه مرګ ژوبله ور اوښتې.
تازه یې ویلي چې د 1403 کال د سنبلې په اوله د پنجشنبې ورځ یې سرای شمالي کې د اپراتیفي عملیاتو په لړ کې افغان ځواکونو ته درنه مرګ ژوبله اړولې.
څو خبرې یې دروغجنې دي چې وایي د افغان ځواکونو سیاره پوسته مو په نښه کړې، موږ سیاره ګزمه اورېدلې خو سیاره پوسته مو نه ده لیدلې.
په اوپراتیفي عملیاتو کې ډېر تمرکز په استخباراتي مرموزو اقداماتو وي، دوی وایي چې درنې چاودنې مو کړي او درنو چاودونو ته بیا د اوپراتیفي عملیاتو نوم ورکوي؛ بیا وایي چې افغان ځواکونو ته مو درنه مرګ ژوبله واړوله ترڅنګ یې دا خبره هم کوي چې تعداد یې نه دی معلوم.
نو سړی حېران شي چې دا یې هغه نظامي مغز متفکر سازمان او دا یې مسلکي او نظامي ظرفیت؛ دوی چې په میډیا کې هوا ګز کړي نو د افغانستان باعزته خلک یې ښه سابه په مالګه کوي.
د دې جبهې یو روزل شوی اجنټ سمع سادات دوه کاله وړاندې ویلي وو چې دوی به د لوی اختر لمونځ په وطن کې کوي؛ خو دا وړۍ به کله هم شړۍ نه شي، ملت دا خلک نور په دې خاوره نه پرېږدي.
افغانان اوس په تبصرو کې د تمسخر په ډول ورته لیکي چې موږ دې په سپوټونو ستړي کړو ته رانغلې؛ (هېره دې نه وي چې نوموړي د افغانستان ځوانان مخاطب کړي وو چې تاسې سپوټونه وکړﺉ زه در روان یم او لوی اختر به یو ځای سره لمانځو).
د دې جبهې څو مفشن قومندانان هره ورځ د امریکا د سنا مجلس مخ ته پراته وي، کله یې د امنیت شورا دروازه کې ناست وي چې بایډن د دوی غږ واوري، خو له هرې دروازې تش لاس او ناهیلي ستنېږي.
۱ څرگندون
الله ﷻ باغیان تباه کړی