د صهیونیستي رژیم د پوځ د احتیاطي برخې یوه جنرال اسحاق بریک په تازه څرګندونو کې د حماس اسلامي غورځنګ پر وړاندې د خپل پوځ پر ماتې اعتراف کړی او ویلي یې دي، چې حماس د دوی ځواکونو ته لویه ماتې ورکړې.
هغه د خبرو پر دوام، خپل پوځ په خپلو موخو کې پاتې بللی او ویلي یې دي چې، د جګړې هیڅ هدف یې نه دی ترلاسه کړی، نه ېې حماس مات کړ او نه یې بندیان راخلاص کړلای شو.
جنرال بریک همداراز د خپل پوځ پر جنګي تګلارې په نیوکې سره ویلي: «په کوم طرز چې زمونږ پوځ په غزه کې خپله جګړه مخته وړي، د دې وړ نه دی چې د حماس پراخ تونلونه دې پرې له منځه یوسي.»
د نوموړي په وینا؛ اسرائیلي پوځ توان نه لري چې یوه داسې نظامي اداره جوړه کړي چې د حماس ځای ونیسي او یا د غزې حکومت پر غاړه واخلي.