د چاپېریال ساتنې ملي ادارې په يوه خبرپاڼه کې ويلي، چې د دې ادارې رئیس مولوي مطیعالحق خالص، د افغانستان لپاره د پیوستون کمېټې له مسوولینو سره کتلي دي.
د سرچينې په خبره د پیوستون کمېټې مسوولینو په دې کتنه کې ویلي، چې له دوه کلن ځنډ وروسته یې افغانستان کې خپل فعالیتونه بیا پیل کړي او د بېرته راستنېدو په برخه کې یې د سرپرست حکومت له مسوولینو منننه کړې ده.
هغوی ویلي، چې د افغانستان لپاره د پیوستون کمېټه غواړي، په هېواد کې د اقلیم بدلون او اړوند پالیسیو د چمتو کولو په برخه کې خپل فعالیتونه له سره پیل کړي.