د ايکانومېسټ ټايم ورځپاڼې د راپور له مخې، د امریکا د جمهوري پاله ګوند دوو غړو د دغه هېواد کانګرس ته يوه لایحه وړاندې کړې او له کانګرس یې غوښتي چې، د پاکستان د پوځ په مشر عاصم منير په دغه هېواد کې د سیاسي مخالفینو د ځپلو په تور بنديزونه ولګوي.
ډ سرچينې په وينا، په دغه لایحه کې ويل شوي چې، عاصم منیر د پاکستان د پخواني لومړي وزیر عمران خان او نورو سیاسي مخالفینو په نیولو او ځپلو کې لاس لري او له همدې امله بايد پرې بنديزونه ولګول شي.
د معلوماتو پر بنسټ لایحې د امریکا له حکومته غوښتي چې، نور هغه کسان هم په ډاګه کړي چې پاکستان کې د سیاسي مخالفینو په نیولو او ځپلو کې لاس لري.
د ايکانومېسټ ورځپاڼې د راپور پر بنسټ ښایي په عاصم منير امریکا ته د ورتګ بنديز ولږېږي.