د امریکا د بهرنیو چارو وزیر مارک روبیو نن یک شنبه په خپل لومړني بهرني سفر پاناما ته رسېدلی، پاناما ته د روبیو دا سفر په داسې حال کې کېږي چې ټرمپ د پاناما کانال د تصرف بې ساری ګواښ کړی دی.
تر دې وړاندې د امریکا ولسمشر ډونالډ ټرمپ په خپلو ویناوو کې ویلي چې، امریکا به د پاناما کانال بېرته خپله برخه وګرځوي او د دې لپاره یې د پوځي ځواک کارولو احتمال هم نه و رد کړی. ټرمپ په دې باور دی چې چین د پاناما کانال په شاوخوا بندرونو کې د پانګونې له لارې ډېر نفوذ کړی دی.
مارک روبیو به نن یک شنبه د پاناما کانال څخه لیدنه وکړي او د پاناما له ولسمشر سره به وګوري.