د افغانستان د اوسپنې پټلۍ اداره وايي، تېره اوونۍ د اوسپنې پټلۍ له لارې (۷۴۰۲۹) مټریک ټنه انتقالات شوي دي.
له یادې ادارې څخه په خپره شوې خبرپاڼه کې ویل شوي، د حیرتان اوسپنې پټلۍ له لارې (۵۶۴۵۴) ټنه، د آقینې اوسپنې پټلۍ له لارې (۸۴۷۸) ټنه، د تورغونډۍ اوسپنې پټلۍ له لارې (۷۸۰۷) ټنه او د خواف-هرات اوسپنې پټلۍ له لارې (۱۲۹۰) ټنه انتقالات چې ټولټال (۷۴۰۲۹) ټنه نفتي، غیر نفتي او نور مواد دي، هېواد ته وارد او صادر شوي دي.:«د انتقالاتو له ډلې یوه برخه ټرانزيټ او صادرات دي، په تېره اوونۍ کې (۱۸۴۶) ټنه ټرانزيټ او صادرات شوي، چې لویه برخه یې د آنارو جوس او تالک معدني ډبرې دي.»
یادې ادارې ویلي، هڅه کوي چې د سوداگرۍ د پراختیا په موخه سوداگرو ته گڼې اسانتیاوې برابرې کړي او د اوسپنې پټلۍ له لارې سوداگري پراخه کړي.
افغانستان اوسمهال د نړۍ له گڼو هېوادونو سره د اوسپنې پټلۍ له لارې نښلول شوی، چې هره اوونۍ زرگونه توکي له دې لارې صادر او واردېږي.