رویټرز خبري اژانس راپور ورکړی، چې ایران له امریکا سره د مستقیمو خبرو پرځای غیر مستقیمو خبرو ته چمتووالی ښودلی، خو د سیمې هېوادونو ته یې خبرداری ورکړی، چې که د امریکا له بریدونو سره مرسته وکړي ښې پایلې به ونه لري.
سرچينې د یوه لوړپوړي ایراني چارواکي له قوله خبر ورکړی، چې ایران د خپل اټومي پروګرام په اړه له امریکا سره د مستقیمو خبرو اترو مخالفت کړی او غواړي د عمان له لارې له واشنګټن سره غیر مستقمي خبرې وکړي.
دغه ایرانی چارواکی زیاتوي، چې علي خامنهايي د ایران وسله والو ځواکونو ته د بشپړ تیارسي حالت امر کړی. پر همدې مهال ایراني چارواکو عراق، کویټ، متحده عربي امارات، قطر، ترکیې او بحرین ته رسماً خبرداری ورکړی، چې که د امریکا له برید سره مرسته وکړي سختي پایلې به ولري.
