د اټومي انرژۍ د نړیوالې ادارې مشر رافایل گروسي ویلي، چې د دغې ادارې لومړۍ ډله څارونکي بیرته ایران ته ستانه شوي دي.
نوموړي دا خبرې له فاکس نیوز سره په تازه مرکه کې کړي او زیاته کړې یې ده چې دوی اوسمهال له ایراني چارواکو سره پر خبرو بوخت دي، تر څو یاده ډله خپلې چارې پیل کړي.
د ویلو ده، چې د ایران پر اټومي تاسیساتو د صهیونیستي رژیم او امریکا تر برید وروسته د اټومي انرژۍ نړیوالې ادارې څارونکي له ایرانه وتلي وو.