ایراني رسنیو راپور ورکړی، چې د دغه هېواد اهواز ښار په یوې هستوګنیزې ودانۍ کې د چاودنې له امله لږ تر لږه شپږ تنه وژل شوي دي.
ایرنا خبري اژانس نن (چهارشنبه، د وږي ۲۶مه) راپور ورکړی، چې دغه چاودنه په یوه څلور پوړیزه ودانۍ کې د ګازو نللیکه کې د تخنیکي ستونزې له امله رامنځته شوې.
ځایي سرچینو ویلي، چې د چاودنې له امله ودانۍ په بشپړه توګه ویجاړه شوې.
د یادونې ده، چې د ایران او صهیونیستي رژیم ترمنځ له تېرې ۱۲ ورځنۍ جګړې راهیسې وخت ناوخت د دغه هېواد په لویو ښارونو کې چاودنې کېږي، چې ایراني چارواکي یې ډېر کله د ګازو له امله بولي.