د کار او ټولنیزو چارو وزارت وایي، د ایران د کار، تعاون او ټولنیزې هوساینې وزارت مرستیال، سید مالک حسینی د یوه پلاوي په مشرۍ کابل ته راغلی.
د وزارت د خبر له مخې، ایراني پلاوی به د کار او ټولنیزو چارو له وزیر، ملاعبدالمنان عمري سره په دوه اړخیزو کاري اړیکو خبرې وکړي.
دغه راز یاد پلاوی به له افغان چارواکو سره د کاري ځواک پر تبادلې، د تخنیکي زدهکړو د پراختیا پر څرنګوالي، ایران مېشتو افغانان کارګرو د حقوقو پر خوندیتوب او نورو مهمو موضوعاتو لیدنې او کتنې ولري.
د یادونې ده، چې دې پلاوي کې د ایراني د بېلا بېلو ادارو استازي او مشران شامل دي.