د انډپنډنټ فارسي رسنۍ د راپور له مخې سوريه کې د بشارالاسد رژيم د نشه يي موادو د يو ډول ټابليټ «کیپټاګون» د پلور له لارې د کال شاوخوا ۲ ميليارده ډالره ګټه لاسته راوړله.
راپور زياتوي چې ياد نشه يي ټابليټ د شاوخوا یو ډالر په قیمت تولید کېده او د بشارالاسد رژيم له لوري معمولا د ۱۵ ډالرو په قیمت پلورل کېده.
کیپټاګون مخدره مواد په سوریه کې له یوې لسیزې راهیسې، د اسد د رژیم تر کنټرول لاندې او یا د رژیم په تصویب سره په پراخه کچه تولیدېدل، او دا چې د بشارالاسد رژيم د لويديځ تر سختو بنديزونو لاندې و، نو له دې لارې یې پيسې ګټلې.