د بشري حقونو نړیوال بنسټ د افغانستان په پلازمېنه کابل کې د روږدو کسانو د درملنې پر یو روغتون د پاکستان له لوري ترسره شوې بمباري په کلکه غندلې.
یاد بنسټ ویلي، چې د پاکستاني رژیم دې جنایت کې زیات شمېر بې وسه ناروغان، چې د درملنې او رغیدو په هیله هلته بستر وو، شهیدان شوي دي.
د بشر حقونو نړیوال بنسټ ویلي، په روغتونونو کې بستر ناروغان د ټولنې تر ټولو زیانمنونکي غړي دي؛ دا هغه کسان دي چې د مرستې، عزت او د خپل ژوند د بیا جوړولو په هیله دغو مرکزونو ته راوړل شوي دي.
یاد بنسټ د پاکستاني رژیم د دې جنایت په اړه د خپلواکو پلټونو د پیل امر کړی او د هغو کسانو حساب کتاب او محاکمې غوښتنه یې کړې، چې د دې جنایت مسؤل دي.
وړاندې یې دا هم ویلي، چې نړۍ باید په داسې حال کې چپه خوله پاتې نه شي، چې د درملنې او روغتيا ځایونه د «غمجنو پېښو» په ډګر بدلېږي.