د افغانستان غالیو پلورونکو اتحادیې مسوولینو خبر ورکړی، چې د ترکیې استانبول ښار کې د غالیو نړۍوال نندارتون کې افغاني غالۍ هم نندارې ته وړاندې شوې دي.
د دغې اتحایي مسوولینو ویلي، دې نندارتون کې د ۱۹ هېوادونو ماشیني او لاسي غالۍ راوړل شوي، چې له افغانستان څخه هم ۸ شرکتونو افغاني غالۍ نندارې ته ايښې دي.
د یادې اتحادیې مسوولینو ویلي، دغه نندارتون چې د نړۍ په کچه تر ټولو لوی نندارتون دی څلور ورځې به دوام وکړي، چې موخه یې بازار موندنه او افغان سوداګرو لپاره له اروپايي بازارونو سره د اړیکو ټېنګول دي.