د فلسطین د حماس او الفتح ګوند ترمنځ خپل منځي ستونزه، چې له څو کلونو راهیسې یې درلوده؛ د خبرو په ترڅ کې حل او د دواړو لوریو ترمنځ د چین په پلازمېنه بیجینګ کې د یووالي تړون لاسلیک شو.
د چين د کامیابې ديپلوماسۍ په نتيجه کې د بیجینګ دوهم مهم دیپلوماتیک نوښت: په فلسطین کې د چين په منځګړيتوب د حماس او فتح په ګډون د فلسطين هېواد پاشلو ډلو له اوږده ۱۷ کلن کړکېچ وروسته د يوه قوي، مرکزي او ملي حکومت پر جوړولو هوکړه کړې.
په تېر يو کال کې چين په منځني ختيځ کې د دوو مهمو تړونونو لپاره هڅی پيل کړې وې چې دواړه هڅې يې بريالي شوې.
د ایران او سعودي عربستان تر منځ د چین په منځګړیتوب، د دواړو هېوادونو د اړیکو عادي کېدل.
او اوس بيا د فلسطين هېواد د بېلابېلو ډلو راټولول او تر منځ يې هوکړه ليک هغه څه دي، چې په سيمه ييزو او نړيوالو قضيو کې د اقتصادي نوښتونو تر څنګ چین ورو، ورو سیاسي فعالیتونو ته وده ورکوي؛ د چين دا فعاليتونه له شکه پرته په سیمه کې د امریکا او لویدیځ لپاره یوه نوې او مهمه ننګونه ده.
له حماس سره د الفتح ګوند روغه، د فلسطین د مشروع هیلو سره په مطابقت کې د اسراییلو د وحشیانه، غیرقانوني اشغال پای ته رسولو لپاره یو ښه فرصت برابروي.
چین او روس په ګډه امریکایي اهداف تر هدف لاندې نیسې او کرار، کرار په سیمه کې ځان راڅرګندوي؛ روسیه د ختیځ بلاک د مخکښ په ډول سخته په تلاش کې ده، چې مظلوم واقع شوﻱ ملتونه د غرب د ظلم پر وړاندې راټول کړﻱ.
د روسیې او چین په زیاتېدونکې توګه همکاري او یا په ختیځ کې د نوي ځواک بلاک د جوړولو په حال کې؟ داسې بریښي، چې دوه زبرځواکونه له ریښتیني نظامي اتحاد څخه یوازې یو ګام لرې دي؛ دا به د نړي د تاریخي تناسب بدلون وي.
چین او روسیې دوه ځلې د جوړجاړي غوښتنه، د پخلاینې د ترلاسه کولو لپاره، تر څو له محمود عباس څخه د نظامي ملاتړ په شمول بشپړ ملاتړ ترلاسته کړي… د روسیې او چین استخباراتو د لویدیځ نړیوال قانون ته د دوی ژمنتیا ښودلې، ترڅو د لویدیځ پر وړاندې یو بشپړ استدلال رامینځته کړي او د لویدیځ تسلط او د هغې مفکورې ناکامې ثابتې کړي.
له همدې امله يې د فلسطيني ادارې «استازي» راوغوښتل او له «محمد عباس» څخه يې وغوښتل چې د ملي يووالي په خاطر، چې چين او روسيه به پکې پوره ملاتړ وکړي، د بشپړې پخلاينې غوښتنه وکړه.
محمود عباس انکار وکړ؛ له همدې امله روسیې اسماعیل هنیه راوغوښت او د ملي ازادۍ غورځنګ ته یې په شور او شوق لېوالتیا ښکاره کړه، تر څو په دې اساس لږ تر لږه له روسیې څخه ملاتړ وشي.
د چین دویمه غوښتنه څه موده مخکې د مدیترانې په سمندرګي کې، د پراخه تاوتریخوالي د مخنیوي او د مشروع حضور لرلو په خاطر… محمود عباس بیا د “قانون تر پوښښ” لاندې د نظامي ملاتړ له ورکولو څخه انکار وکړ، ځکه چې چین او روسیه غواړي د لویدیځ له هغه قانون سره مقابله وکړي، چې دوی پرې تکیه کوي، او هېوادونه تر بندیزونو لاندې راولي.
خو په درېیم ځل چین وتوانېد، چې د دوی دواړو حماس او الفتح تر منځ د یووالي تړون لاسلیک کړي.
خو اوس سوال دادی چې دوی د فلسطین مقاومتونو، ولې دوه ځلې د چین غوښتنې رد کړې؟ او درېیم ځل یې ولې ومنله؟لوستونکي دې خپل نظر راسره شریک کړي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.