د راپورونو لهمخې، ټاکل شوې سبا یکشنبه (د تلې، ۱۲مه) د حماس او صهیونیستي رژیم ترمنځ د اوربند خبرو اترو لومړی پړاو مصر کې پیل شي.
د عربي رسنیو د راپورونو لهمخې، د مصر العریش ښار به د دغو خبرو کوربه وي.
ورته مهال رويټرز خبري اژانس راپور ورکړی، چې د منځني ختیځ په چارو کې د ټرمپ استازی سټیو ویتکاف به هم ډېر ژر سیمې ته سفر وکړي.
د نوموړي د سفر موخه د حماس او صهیونیست رژیم ترمنځ په مذاکراتو کې ګډون ښودل شوی.
دا په داسې حال کې ده، چې تازه حماس غورځنګ غزه کې د اوربند له طرحې سره جزئي هوکړه کړې او د دغې هوکړې پر ځینو مواردو یې خبرو اترو ته چمتووالی ښودلی.