د راپورونو له مخې د حماس اسلامي غورځنګ او صهیونیستي اسرائيلو تر منځ د اوربند او د جـګړې د بشپړو ختمولو لپاره به په درې مرحلو توافق کېږي چې د هرې مرحلې له پوره کېدو وروسته به بله پيلېږي.
د اوربند لومړۍ مرحله ۴۲ شپې ده او په دې موده کې به صهيونيستي اسرائيل په غـزه کې په بشپړه توګه جـګړه دروي، ۱۰۰۰ تنه فلـسـطیـني بندیان به خوشي کوي، د شمالي غـزې عامو خلکو ته به خپلو کورونو ته د تګ اجازه ورکوي، او هره ورځ به غـزې ته ۶۰۰ د مرستو لارۍ پرېږدي.
دغه راز به د اوربند په لومړۍ مرحله کې صهيونيستي اسرائيل د نتساریم مرکزي سیمو څخه خپل پوځونه باسي، او د فلادلفیا د محور څخه به هم اکثره پوځونه باسي، یواځې یوه وړوکې قوه به پاتې کېږي، او د حماس غورځنګ ځواکونه به په دې مرحله کې پر دوی هېڅ ډول بريدونه نه کوي، او ۳۳ تنه اسرائيلي بندیان به ورخوشې کوي.
د اوربند شرايطو ته په کتو حماس ګټونکی دی او دغه راز د صهيونيستي اسرائيلو د امنيت وزير هم د حماس د ګټې او د اسرائيلو په ماتې اعتراف کړی او د همدې اوربند له امله له لومړي وزير نتنياهو خفه شوی دی.