د نړیوالو رسنیو د راپورونو له مخې، د غزې په خان یونس سیمه کې د صهیونیستي اسرائیلو په هوایي بریدونو کې د حماس اسلامي غورځنګ د سیاسي دفتر لوړ پوړی غړی صلاح البردویل او د هغه مېرمن شهیدان شوي دي.
حماس اسلامي غورځنګ په یوه بیانیه کې د نوموړي شهادت تائید کړی دی.
دا په داسې حال کې ده، چې د غزې تړانګې پر خان یونس او رفح سیمو د صهیونیستي اسرائیلو د تازه بریدونو له امله د ښځو او ماشومانو په ګډون لږ تر لږه ۳۴ تنه نور فلسطینیان هم شهیدان شوي دي.
یاده دې وي چې، چې غزه کې تر اوربند وروسته صهیونیستي اسرائیلو یو ځل بیا پر یادې سیمې درنې بمبارۍ او ځمکني عملیات پیل کړي دي.