ملي دفاع وزارت وایي، د ۲۰۱ خالد بن ولید رض قول اردو ورکشاپونو کې ۱۳۴۷ عرادې پوځي وسایط او ۱۶۱میله وسلې ترمیم شوي.
له یاد وزارت څخه د خپرې شوې خبرپاڼې له مخې، دغه وسایط د روان کال په اوږدو کې له داخلي امکاناتو په استفادې د افغان مسلکي انحنیرانو له جوړ شوي دي.
خبرپاڼه زیاتوي، چې په ترمیم شویو وسایطو کې رنجر موټر، هاموي ټانګونه، رنجر امبولانسونه او ګڼ شمېر نور بېلابېل ډوله پوځي وسایط شامل دي.
دغه راز ترمیم شویو وسلو کې بیا ډي سي توپونه، اېم-۴، اېم-۱۶، توپنګنچې او دافع هوا شامل دي.
د یادونې ده، چې تر دې وړاندې هم د دفاع وزارت په ورکشاپونو کې د پرځول شوي جمهوریت د عسکرو له خوا تخریب شوې وسلې او پوځي وسایط ترمیم او ګټې اخیستنې ته چمتو شوي دي.