د نړیوالو رسنیو د راپورونو له مخې د حماس اسلامي غورځنک په یوه بیان کې ویلي چې د خلیل الحیه په مشرۍ یې مذاکره کوونکی پلاوی د مصر د حکومت په رسمي بلنه د شنبې په ورځ قاهرې ته په سفر تللی.
د راپور له مخې، حماس غورځنګ زیاته کړې، چې یاد پلاوی به د دغه سفر په ترڅ کې له قطري او مصري منځګړو سره لیدنې ولري او پر دې به خبرې وکړي چې څنګه کولای شي غزه کې بیا ځلي اوربند ټینګ کړي.
د یادونې وړ ده چې، مصر او قطر د حماس او صهیونیستي رژیم ترمنځ د خبرو اترو لپاره داسې مهال خپل منځګړیتوب ته دوام ورکوي چې یاد رژیم په ټول توان پر غزې تړانګې خپلو بریدونو ته دوام ورکړی دی.