د پاکستاني رسنیو د راپورونو له مخې، د خیبر پښتونخوا اعلی وزیر امین ګنډاپور په یوه خبري ناسته کې د افغان کډوالو اېستلو په اړه د پاکستان د مرکزي حکومت د پالیسۍ مخالفت کړی او ویلي یې دي چې، افغان کډوال باید په زور ونه اېستل شي.
نوموړي د خبرو پر دوام، د افغان کډوالو په اړه د پاکستان د مرکزي حکومت پالیسي نیمګړې بللې او نیوکه یې کړې، چې په تېرو وختونو کې هم د افغان کډوالو د اېستلو پرېکړه کې له بشري حقونو سرغړونه شوې ده.
دا څرګندونې وروسته له هغې کېږي چې، د پاکستاني حکومت د روانې مارچ میاشتې په ۳۱مه د “ناقانونه کډوالو” او د افغان تابعیت لرونکو کارتونو لرونکو د په خپله خوښه وتلو وروستۍ نېټه وټاکله.