د روسيې دفاع وزير سيرګي شويګو ویلي چې اروپايي هېوادونه د روسيې پر وړاندې په ښکاره ډول جګړې ته چمتووالی نیسی. نوموړي زیاته کړې چې هغوی په دې هڅه کې دي چې دغه چمتووالی تر ۲۰۳۰م کاله پورې بشپړ کړي.
د روسیې دفاع وزیر خبرداری ورکړی، چې که اروپا له روسيې سره د جګړې ډګر ته ښکته شي نو روسيه حق لري چې د ځان دفاع لپاره اټومي وسلې وکاوري.
هغه دغه راز ویلي چې دا به د درېیمي نړيوالې جګړې پيل وي.
د یادونې وړ ده چې اروپایي ټولنه دا مهال د روسیې او اوکراین په جګړه کې له اوکراین څخه مالي او نظامي ملاتړ کوي.