ټاس خبري اژانس وایي، چې د روسیې بهرنیو چارو وزیر، سرګي لاوروف ویلي، چې د ایران او اسرائیلو ترمنځ کړکېچ خطرناک حالت ته رسېدلی دی.
ياد خبري اژانس د سرګي لاوروف له قوله ویلي چې په منځني ختیځ کې د تاوتریخوالي کچه لوړه شوې او د ایران او اسرائیل مخامخ کېدل خطرناکې پولې ته رسېدلي دي.
ټاس دغه راز ویلي چې لاوروف په منځني ختیځ کې د دوامداره کړکېچونه او د تاوتریخوالي د تکرار مسؤله امریکا ګڼلې او وايي چې امریکا د عرب هېوادونو په کورنیو چارو کې هم لاسوهنه کوي.