د ریاستالوزراء اقتصادي معاونيت په يوه خبرپاڼه کې وايي، چې د رياست الوزراء اقتصادي مرستیال ملا عبدالغني برادر قطر هېواد ته د خپل سفر په ترڅ کې نن د سلواغې میاشتې په ۲۵مه نېټه د قطر هېواد له رئیس الوزراء محمد بن عبدالرحمن آل ثاني سره کتلي دي.
د معلوماتو له مخې په دې کتنه کې د افغانستان او قطر هېواد ترمنځ د اړیکو او اقتصادي مسائلو او د حکومت او خصوصي سکټور له لوري د پانګونې د موضوعاتو په اړه بحث او خبرې شوې دي.