ارګ د یوې خبرپاڼې په خپرولو سره ویلي، د ریاست الوزراء اداري مرستیال مولوي عبدالسلام حنفي په قطر کې د اسلامي امارت د سیاسي دفتر رئیس ښاغلي محمد سهیل شاهین سره کتلي.
د خبرپاڼې له مخې، په قطر کې د اسلامي امارت د سیاسي دفتر رئیس ویلي، دا دفتر کوښښ کوي، د تېر په څېر د سیمې او نړۍ له هیوادونو سره د اسلامي امارت د اړیکو د تامین او پراختیا لپاره مثبت او رغنده رول ولوبوي او د اسلامي امارت د منافعو دفاع وکړي.
د ریاست الوزراء سیاسي مرستیال زیاته کړې، په دغه دفتر کې د اسلامي امارت مسئولین دې کوښښ وکړي چې د سیمې او له سیمې ور اخوا هیوادونو سره د اسلامي امارت اړیکې د تعامل او متقابل درناوي پر بنسټ پراخه کړي.