د ټولګټو وزارت ویاند، محمد اشرف حق شناس وایي، چې د سالنګونو لویه لار د مسافر وړونکو موټرو پر مخ پرانیستل شوه.
د سالنګونو لویه لار، د درنې واورې اورښت او شدید طوفان له امله، د دوشنبې په شپه تړل شوې وه.
حق شناس زیاتوي، چې یاده لویه لار د سالنګونو د ساتنې او څارنې ریاست پرلهپسې هڅو په پایله کې، په یو طرفه ډول خلاصه او هغو وسایطو ته چې د لویې لارې په دواړو غاړو کې درېدلي وو، د تګ اجازه ورکړل شوه.
د نوموړي په وینا، د لارې د پاکولو چارې لا هم روانې دي، تر څو د ټولو وسایطو لپاره د خوندي تګ راتګ زمینه برابره شي.