د ايران د ایسنا خبري اژانس د راپور له مخې، د سوریې د ګاونډیو هېوادونو په يوه امنیتي غونډه کې چې د اردن په پلازمېنه عمان کې ترسره شوه، د سوریې امنیت، ثبات او حاکمیت ته د هر ډول ګواښ غندنه کړې.
سرچينه وايي، په دغه غونډه کې د اردن، عراق، ترکیې، او لبنان هېوادونو د بهرنيو چارو او دفاع وزيرانو، لوړپوړو پوځي چارواکو او د استخباراتي ادارو مشرانو ګډون درلوده.
د معلوماتو له مخې، د سوریې ګاونډيو هېوادونو همداراز د یاد هېواد پر ضد د صهيونيستي اسرائیل بریدونه د نړیوالو قوانینو نقض بللی او له نړیوالې ټولنې څخه یې د مداخلې غوښتنه کړې ده.