د سوډان د سیاسي شورا مشر عبدالفتاح البرهان ویلي، چې د هېواد په وړاندې جګړه یې، د هر هغه چا سره ده، چې د دولت پر ضد وسله پورته کوي.
د نوموړي په وینا، “چټک ملاتړ” ملېشې د سولې او امنیت لپاره ګواښ دي. هغه له نړیوالې ټولنې غوښتي چې دغه ملېشې د ترهګرو ډلو په توګه وپېژني او پر وړاندې یې جدي اقدامات وکړي.
په ورته وخت کې،ګ د سوډان د حکومت چارواکو ویلي دي، چې د “چټک ملاتړ” ملېشې د سولې لپاره هېڅ لېوالتیا نه لري او یوازې د قدرت لپاره جګړه کوي.
د یادونې ده چې، سوډان کې له تېرو څو کالونو راهیسې د چټک ملاتړ ځواکونو او سوډان پوځ ترمنځ جګړه روانه چې پر مهال یې میلینونه سوډانیان له خپلو کورونو بې ځایه شوي دي.