د سوډان ولسمشر عبدالفتاح البرهان ژمنه کړې چې، د سوډاني ملت حقوق به بېرته ترلاسه کړي او له هغو کسانو څخه به غچ واخلي چې عام خلک یې ځورولي او د هغوی مالونه یې لوټ کړي دي.
هغه ویلي چې، پوځ به تر هغې جګړه جاري وساتي چې بغاوت په بشپړ ډول پای ته نه وي رسېدلی.
د سوډان پوځ پلازمېنه خرطوم کې له سختو جګړو وروسته د دغه ښار ډېری سیمې یې تر خپل کنټرول لاندې راوستي او غوڅ ملاتړ ځواکونه یې شاتګ ته اړ کړي دي.