اوله برخه!
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
په افغانستان کې د جنګونو او تاوتریخوالي تاریخ اوږد او پېچلی دی، خو د تېرو څو لسیزو راهیسې د شر او فساد ډلې شتون په دې کړکېچونو کې د پام وړ رول لوبولی دی.
دغه ډلې نه یوازې په فساد او شخصي ګټو پسې یې هڅې کړې دي، بلکې د لسګونو زرو افغانانو د وژلو، ځورولو او خرڅولو دنده یې هم په غاړه اخیستې وه/ده.
احمد شاه مسعود چې د شر او فساد ډلې د بنسټګر په صفت د تاریخ په پاڼو کې ثبت دی، په خپل ژوند کې د وطن د بربادولو ډېر عجیب بابونه لرل، چې نن هم هماغه لار د شر او فساد ډلې لخوا تعقیبېږی.
١. افغان وژنه:
احمدشاه مسعود او ملګرو یې د تنظیمي جګړو پر وخت داسې کړنې ترسره کړې، چې د کابل واټونو او لارو هغه وحشتونه تر نن ورځې په خپل ټټر ليکلي ساتلي دي.
نوموړي بشري حقوق په بشپړ ډول نقض کړل، انساني کرامات او ارزښتونه یې تر پښو لاندې کړل، په پاټکونو کې یې د سپیو په نامه خلک کښېنول، د خلکو ژوند یې ور تریخ کړ؛ د رقص مرده په نوم یې د افغانانو په وجودونو نخرې وکړې، د پیت پوزي، سپین او غنمرنګ په نومونو یې د زرګونو افغانانو ککرۍ ور وشیندلې.
خو سره له دې ټولو وحشتونو او بربریتونو وروسته هم نوموړي د غربي میډیا او استخباراتي سازمانونو پر مټ ځان اتل ثابتولو، د آی ایس آی پر خوښه او غوښتنه د احمدشاه مسعود عکسونه د مهاجرینو په کمپونو کې د ریکشو په شاه ګانو او دېوالونو لګول کېدل، چې عجیب او غریب شعارونه به یې ترې لاندې ليکلي وو.
٢. د کانونو لوټل:
له احمدشاه مسعود سره د ټولو استخباراتي سازمانونو نږدې اړیکې د دې په لپاره قوي او غښتلې وې، چې نوموړی په ډېره ارزانه بیه هرې کړنې ته اماده کېدلو، په همدې بناء هر سازمان هڅه کوله چې له نوموړي سره نږدې اړیکي ټینګې کړي او د افغانستان قېمتي ډبرې، لیتیم او میس په اسانه او ارزانه بیه تر لاسه کړي.
د احمدشاه مسعود (د شر او فساد ډلې) لپاره د عوایدو ښه منبع د کانونو ناقانونه استخراج او پلورنه وه، چې له دې لارې یې خپله جوړه شوې باغي ډله مسلح او شخصي پانګه د تصؤر خلاف پورته کړه، ده خپله د شر او فساد ډله د همدې ناقانونه لارو چارو د تطبیق او افغاني نسل وژنې لپاره منظم او تیاره کړې وه.
احمدشاه مسعود د بدخشان ولایت د لارجوردو په کانونو قوي کار پیل کړی و، چې د ورځې به یې ترې ډبرې رایستلې او د شپې لخوا به د پاکستان هېواد څخه چورلکې راتللې او قیمتې ډبرې به د همدوی له لورې پکې بارېدلې او بیرته به الوتلې.
دا هغه وخت و، چې شوروي پلوه رژیم نه شو کولی، چې په ټول هېواد منګولې ټینګې کړي.
همدارنګه د پنجشیر زمرودو هم دوی ته ډېرې پیسې په لاس ورکولې، خو جالبه دا وه، چې د دې ټولو قېمتي ډبرو خرڅلاؤ د احمدشاه مسعود په لاس کې وو.
د عربي رسنیو له قوله د شر او فساد ډلې یواځې د پنجشیر د زمرودو له کانونو د کال ۱۰۰ میلیونه ډالر عواید تر لاسه کول.
د پنجشیر زمرود په اروپا کې د سوداګرو لخوا د کولمبیا د ډېرو ښو او لومړۍ درجه زمردو په نوم په ډېره لوړه بیه پلوري. (د “فرغاني” خبري آزانس ویبپاڼه ۵۷).
ادامه لري…