کله چې غرب او ناټو پر افغانستان يرغل وکړ او پس له شلو کلونو جګړې او افغان وژنې څخه ورته معلومه شوه چې افغانستان تر يرغل لاندي ساتل په نړۍ کې د هيڅ طاقت د وس کار نه دی.خو بل طرف غرب او نړيوال استخباراتي سازمانونه نه غواړي چې افغانستان دې په امن او د افغانانو په لاس کې يو خودمختاره دولت ولري؛ ځکه خو دوی واپس ولاړه، مګر تر شاه يې ناسور د شر و فساد او داعش خراسان په نامه پرېښود؛ تر څو افغانان ترې امن او سوله کې ژوند ونه کړي.
له کوم وخت څخه چې د افغانستان پر جغرافيه ا.ا.ا حاکم شوی او د تير جمهوريت مشران په تېښته بريالي شوي؛ له همغه ورځې څخه د شر و فساد او د تير جمهوريت ځيني غلو پوچو تبليغاتو، دروغو او بې ځايه ادعاوو ته مخه کړې.نهه مياشتې مخکې د فرانس له يوه تلويزيون سره په يوه مرکه کې احمد مسعود وايي چې موږ د افغانستان دوولسو ولايتونو کې فعاليت او ۴۰۰۰ پرسونل لرو.
خبريال ورته وايي چې: ډېر خلک ستاسي نظامي حضور افغانستان کې نه مني، د خبريال مطلب دا وو چې ستاسو دغه ادعا خلک دروغ ګڼي، يعني هيڅ حقيقت نه لري! احمد مسعود ورته په ځواب کې وايي چې تاسو د يوناما راپور وګورئ!همدغسي درې هفتې مخکې د شان ريان سره مرکه کې احمد مسعود ورته خبره تکراروي او وايي چې د دې خبرې د تصديق لپاره چې زموږ حضور ښيي تاسو د يوناما او نور غربي ميډيا راپورونه کتلای شئ.
په دې وروستيو کې د شر او فساد ډلې يو راپور خپور کړی وو چې هم يې د افغانستان دوولسو ولايتونو کې د ا.ا.ا ضد د نظامي عملياتو ادعا کړې وه؛ کوم چې اصل کې هيڅ حقيقت نه لري او يواځې دغه مقاومت يې تر سوشل او غربي ميډيا پوري محدود دی.
د ا.ا.ا په افغانستان کې د سرتاسري واک لاسته راوړلو سره په اولو کې د شر و فساد او داعش خراسان ډلې ځيني ځايونو کې سرونه راپورته کړل؛ مګر ډېر ژر د ا.ا.ا ځواکونو له طرفه وځپل شول، د دوی حضور يې په افغانستان کې صفر ته راټيټ کړ؛ په ټول افغانستان کې يې پرې د سر پناه ځايونه ودرول ځکه پاکستان، تاجکستان او نورو هېوادونو ته وتښتېدل.
د دغو دوو ډلو دغه ناکامي ته په کتلو نړيوالو استخباراتو په ۲۰۲۳ کال کې يو بل پلان ترتيب کړ: د آی ايس آی او نورو د غرب د غلامانو په ذريعه يې په پاکستان کې د داعش خراسان او د شر و فساد ډلې تر منځ غونډې جوړې کړې چې پکې يې دغه دوې ډلې(شر و فساد، داعش خراسان) سره يو کړل. دغه دوه ډلې په خپل منځ کې و دې توافق ته سره و رسېدل چې په افغانستان کې به د ا.ا.ا په ضد ګډ نظامي عمليات ترسره کوي؛ يو له بل سره به مالي او تسليحاتي مرستې کوي.
خو بيا هم دغه دواړې ډلې ونه توانېدلې چې د ا.ا.ا ضد نظامي عمليات او کومه خاصه بريا تر لاسه کړي؛ حتا د خپل شتون په افغانستان کې ښودل هم ورته مشکل شوي؛ دغه حالت د افغانستان دښمنان نور هم په فکر کې واچول؛ ځکه په افغانستان کې د امن خرابولو او د ا.ا.ا په ضد هيڅ رنګه کاميابي د شر و فساد او داعش ډلې نه کړه تر لاسه.
د دې هر څه سربيره يو بل اړخ د دوی سره د غرب د مرستې د ميډيا انتخاب وو؛ چې غرب د ميډيا له لارې هم هڅې شروع کړې تر څو د دوی شتون په افغانستان کې وښيي؛ د احمد مسعود د يوناما د راپورونو ذکر کول، د فرانسې او امريکايي رسنيو کې بار، بار د احمد مسعود را ښکاره کول، د غربي او نورو استخباراتي کړيو ادعاوې په افغانستان کې د داعش خراسان د شتون؛ دغه ټول د دوی د تبليغاتي مرستې د شر و فساد او داعش خراسان سره يوه ښکاره نمونه ده.
مه هېروئ چې د احمد شاه مسعود څخه اتل هم همدغې غربي رسنيو جوړ کړی وو چې په لاندي لينک کې يې لوستلای شئ!
مسعود د افغان تاريخ يوه بدنامه څېره
په افغانستان کې دغه دوې ډلې(شر و فساد او داعش خراسان) بيخي صفر ته رسېدلي؛ که کله هم کوم څوک د دغو ډلو څخه د يوې ډلې په نوم سر راپورته کړي؛ د افغانستان د امن د خرابۍ هڅه وکړي نو مخکې تر دې چې د ا.ا.ا او افغانانو ضد کوم نظامي عمليات ترسره کړي، امن خراب کړي، نيول کېږي يا هم ختمېږي.
خو بيا هم غرب او ځيني استخباراتي کړۍ دوی ته لابي کوي او کوښښ يې دا وي چې د دوی شتون افغانستان کې وښيي، تر څو د افغانانو ذهنونه مغشوش او بيا ځلي خپلو شومو اهدافو ته ځانونه و رسوي.
يوې خواته د پاکستان په ذريعه د داعش افغانستان ته رالېږل او بل طرف ورسره د شر و فساد ډلې د يو ځای کولو پروژه هم همدا غرب ورکړې؛ افغانستان کې د داعش شتون ثابتولو لپاره همدا غرب او متحدين يې کار کوي تر څو افغانستان ناامنه وښيي او دوی د ا.ا.ا ضد ښکاره اقداماتو ته لاره پيدا کړي.
همدا د شر او فساد ډله چې له داعش خراسان سره يې تړون کړی بل طرف پر ميډيا باندي لګيا دي وايي چې: افغانستان کې تروريستي ډلې شتون لري.
زموږ د ډېر يو بزدله دښمن سره مخ دی ځکه بايد افغانان هر ګام په ډېر دقت سره کېږدي. د شر او فساد ډلې شعار ډیموکراسي او د داعش خراسان ډلې شعار خلافت دی؛ مګر بيا هم دغه دواړې ډلې سره يو شوي.
دا ځکه چې دغه دواړې ډلې د غرب پروژه يان دي او يواځې د غربي ګټو خونديتوب ته کار کوي؛ که نه په شعار کې دغه دواړې ډلې يو د بل مخالفې دي خو کردار کې بيرته سره يو دي؛ د دوی په شعار مه تېروځئ بلکې کردار ته يې فکر وکړئ!د دغو استخباراتي لوبو د ناکامۍ لپاره افغانان بايد يو موټي شي، د ا.ا.ا تر شاه ودرېږي تر څو بيا ځلي دغه امن خراب او افغانان په جګړو وانه وړي؛ ځکه افغانان نور د جګړو تاب نه لري.
افغان ولسه!د پرديو په دروغجنو تبليغاتو مه تئروځئ! او نه هم بايد چا ته دا موقع ورکړئ چې دغه امن له افغانانو واخلي؛ د دغو ډلو سره مرستې او تبليغات غرب او نړيوال استخباراتي سازمانونه د همدې لپاره کوي چې له افغانانو څخه دغه امن او سوله واخلي او بياځلي افغانستان د جګړې په ډګر بدل، د افغانانو په وينو سوداګري شروع کړي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.