اېمل پښتون
تاجکستان او په غرب کې د بغاوت جبهې ملاتړي یو له بل سره خواخوږي او اړیکې لري.
دواړه یې بیا په سیمه کې د ورانکارۍ د ترویج او دوامداره پاتې کېدو لپاره یو لاس دي او یو له بله ملاتړ کوي.
دوشنبې ښار ته د پاکستاني نظامي پلاوي سفر، په مسکو کې د تاجکستاني بریدګرو برید او په فرانسه کې په یو عام محضر کې له داعش ډلې د بغاوت جبهې د یو پلوي ملاتړ ښکاره پیغام لري، چې نوې لوبه کې څوک، څوک دخیل دي؟ په مسکو کې د شوي برید په تړاو د نیول شویو بریدګرو هویتونه افشا شوي، چې ټول تاجکان دي!
روسي رسنیو هم ویلي، چې په پېژندل شوو بریدګرو کې ناصرالدینوف، محمد رسول، اسمونوف ریوازیدین، صفول زاده شوخینجان او نظروف رستم ښکېل دي، چې ټول د تاجیکستان اوسېدونکي دي.
په افغانستان کې د داعش په وروستيو بریدونو کې، ټول عاملین او دخیل خلک چې اکثره یې د تاجکستان اتباع او یا د شمالي ایتلاف سره تړاو لرونکي بريدګر و، په ګډه د یوې پروژې لپاره کار کاوه.اوس داعش یوازې نوم پاتې دی، چې په دغه نوم د پاکستان، تاجکستان او امریکا استخبارات په ګډه بریدونه کوي او نوم د داعش ورکوي.
د ټلوالې سګشویان په خپلو څرګندونو سره غواړي، د مسکو برید ته له افغانستان سره تړاو ورکړي. هغه برید چې په ښکاره ډول پکې تاجکستاني اتباع دخيل دي.
دوی له تاجکستان څخه د دفاع په پار یادې څرګندونې کوي.او دې لوی حقیقت ته شا اړوي چې افغانستان په داسې کړنو سره خدای نخواسته د دغه نړیوال پروژه یي جنګ ښکار ګرځېدلی شي.
د مسکو د حملې یو نیول شوی بریدګر وایي«نیم ملیون روبل یې راسره وعده کړي وې، د دې روپیو په بدل کي مې دا برید وکړ» له یوې خوا خوارجو دا برید پر غاړه اخیستی، روسیه بیا د أوکراین لاس پکښي بولي.
په دغه لوبه کې د خيالي خلافت اصلي څېره نوره هم څرګنده شوه، کوم خلافت چې د پیسو په زور په مخ وړل کیږي.
دوی داسې نه وه انګېرلې چې برید کوونکي به داسې زر ونیول شي، نو يې سمدستي پړه پر غاړه واخیسته، برید کوونکي اقرار کوي، چې د پیسو په مقابل کې یې برید ترسره کاوه، خو دواعش یې د خلافت د اقامې برید بولي.نړۍ د په یاد برید کې، د برید هدف، د دواعشو پړه پر غاړه اخیستل، د برید ګرو هویت، د نیول شويو برید ګرو د خولې اقرار، چې د پیسو په مقابل کې یې برید ترسره کاوه، فکر او غور وکړي.
په ياد بريد کې د دواعشو اصلي څهره خورا څرګنده ده.