د شهیدانو او معلولینو چارو وزارت وايي، “ملا عبدالمجید آخند پرون د پکتیا ولایت د شهیدانو او معلولینو چارو په ریاست کې له هغې کورنۍ سره له نږدې وکتل چې د تېر شل کلن اشغال پر وړاندې يې درې ځوانان زامن شهیدان شوي وو.”
په خبرپاڼه کې راغلي، “سرپرست وزیر د شهیدانو کورنۍ ته د خواخوږۍ او ډاډګیرنې مراتب وړاندې کړل او د شهيدانو پاک روح ته یې دعا وکړه.”
په خبرپاڼه کې ويل شوي، په دې ليدنه کې له یادې کورنۍ سره یوه اندازه نغدي مرسته هم شوې ده.
د یاد وزارت لخوا څه موده وړاندې هم پر کونډو، يتيمانو او معلوليت لرونکو وګړو باندې ۶ میليارده او ۱۴۵ ميليونه افغانۍ ويشل شوې وي.