د شيعيان افغانستان د جامعې لوی رئيس استاد اخلاقي د هېواد د اهل تشيعه وګړو له لوري د سرپرست حکومت د ملاتړ په وياړ جوړې شوې غونډې ته په خبرو کې ويلي چې، پخوا د شيعه ټولنې له لوري د واکمنو دروازې د امن غوښتلو په خاطر ټکول کېدې خو الحمدلله، امارت د نورو قومونو په څېر د هزارهګانو ژوند او عزت ساتلی.
استاد اخلاقي همدا راز بهر کې د افغانانو د مخالفو جبهو له لوري غونډو او کنفرانسونو ته په اشارې زياته کړې «کوم خلک چې له بهره دلته د لاسوهنې کوښښ کوي، غږ پرې کوم چې نور د دې خاورې د بې ثباتي کوښښ مه کوئ».
نوموړي همدا راز د شيعه وګړو په استازيتوب ويلي، موږ په امن او ثبات کې خوښ يو، او د شيعيان افغانستان د عالي کميسيون د مشر په توګه له اسلامي امارته ملاتړ کوم.