Close Menu
    افغانستان

    د صنعت او سوداګرۍ وزارت: هند سره د سوداګريزو اړيکو د پراختيا هڅې‌ روانې دي

    عمران آغاڅرگندونې نشته1 دقیقه لوستل
    د صنعت او سوداګرۍ وزارت خبر ورکړی، چې له هند سره د سوداګریزو اړیکو د لا پراختیا لپاره هڅې روانې دي او چابهار بندر به په دغه سوداګرۍ کې مهم رول ولوبوي.

    د یاد وزارت چارواکي وایي، چې دا مهال د دواړو هېوادونو ترمنځ د سوداګرۍ کچه په کال کې ۶۵۰ میلیونه ډالرو ته رسېږي، چې د سوداګرۍ د زیاتوالي لپاره یې ګړندي ګامونه پورته کړي او غواړي د چابهار بندر په کارولو سره د افغانستان او هند ترمنځ سوداګریزې اړیکې نورې هم پراخې شي.

    د دغه وزارت ویاند عبدالسلام جواد اخندزاده زیاتوي، چې هند هم له افغانستان سره د سوداګریزو اړیکو پراخولو ته لېواله دی او کابل په دې برخه کې له چابهار بندر څخه په ګټې اخیستو اقدام کړی او له هند سره د ویزو په اړه هم خبرې روانې دي.

    مربوطه لیکنې

    ځواب پریږدئ