الجزیره ټلويزيون په خپل ژوندي پروګرام کې د غزې له خان يونس راپور ورکوي چې پکې د صهيونيستي اسرائيلو له لوري د بې ګناه فلسطينيانو په کورونو درنه بمباري روانه ده.
الجزیره وايي يواځې د نن سهار له بمبارد راپه دېخوا د غزې په خان يونس کې ۳۰ کسان شهيدان شوي چې ۱۱ یې تازه ساعت وړاندې او ۱۹ نور بيا د سهار مهال په بمبارد کې شهیدان شوي دي.
وروسته له هغې چې د حماس اسلامي غورځنګ سياسي مشر يحيی سنوار د امريکا له لوري د اوربند هغه وړانديز چې پکې د فلسطين خاوره له لاسه تله رد کړ؛ له پرون راهیسې وحشي اسراییلو د غزې په بېلابېلو برخو کې جګړه او بمبارد خپل وروستي حد ته رسولی، لسګونه فلسطینيان یې شهيدان او ټپيان کړي، او په سلګونو کورونه یې بمبارد کړي.